朱智賢

朱智賢於將軍澳電視城舉行道歉記者會

2020年3月，朱智賢被指與有婦之夫黎振燁合作拍攝劇集《食腦喪B》疑因飾演情侶而日久生情，更被揭發曾在工作期間雙雙失蹤近兩小時[22]。同年4月27日約下午1時左右，當時黎振燁妻子已懷有8個月身孕，有傳媒發現黎振燁買了兩個蛋糕，其中一個是粉紅色心形蛋糕後，然後駕車到朱智賢位於屯門市中心的寓所，接載朱智賢到屯門附近半山邊的死胡同後舉止親暱[23]。不久，兩人在車廂後排位置平排坐下，準備替粉紅色心形蛋糕插上蠟燭時，傳媒突然上前拍照，黎振燁回應指：「你哋唔好誤會呀，我哋 …… 準備開工，我哋唔關事，我哋唔係一齊，大家唔好誤會」，但《食腦喪B》已於當天兩周前拍攝完畢，謊稱對劇本的黎振燁隨即駕車離開屯門半山，回到屯門市中心先放下朱智賢，再衝紅燈駛往將軍澳電視城，而朱智賢則在其寓所停車場回應指：「如果喺嗰度食蛋糕 …… 如果唔喺嗰度食蛋糕，就唔會俾你哋影到」。事件曝光後，朱智賢立刻將其社交網站轉為私人帳號且不作回應[24][25]。

同年4月29日約4點45分，朱智賢和緋聞男友謝東閔於將軍澳電視城舉行記者會，但不設記者提問環節。首先謝東閔拖著朱智賢指：「我會陪你走過呢一關！可能係一時間有啲迷失，我自己都有少少責任，可能我成日掛住工作，疏忽咗佢」、「我希望大家可以畀機會佢反思下，將來繼續畀心機工作」。之後朱智賢道歉：「首先我要講嘅係，對唔住，令大家失望對唔住，我知自己做錯，對唔住錫我嘅人，對唔住畀機會我嘅人，辜負咗你哋，辜負咗公司，我想同呢件事受傷害嘅人講聲對唔住，真心對唔住」[26]，以及被記者問到「有否向黎太道歉」時，朱智賢不發一言，由謝東閔護航下離開[27]。

同年4月30日早上，黎振燁攜同妻子於黃大仙上邨寓所樓下接受傳媒訪問，承認跟朱智賢只交往幾個星期，並表示一向不喜歡特別聯絡女同事，以及向傳媒公開懺悔。惟謝東閔在同日深夜透過社交網站發文，點名批評「點解一個人用完謊言巧語之後還可以出來講大話 #黎振燁」[28][29]。

• 2016年：Supper Moment《風箏》

• 2016年：Amazing Summer 主題曲 《乘風》

• 2016年：無綫電視短片《平安夜》（飾演女警）